चर्चा किन साइग्रेसको?

अन्तरवार्ताका क्रममा उनले आफू बाल्यकालमा चन्चले र केही उग्र स्वभावको भएपनि युवावस्थामा प्रवेश गर्दै गर्दा उनीमा गाम्भिर्यताको विकास हुँदै गएको बताएका छन् । मानवीय गुण र विभिन्न स्वभावहरुलाई कथा मार्फत प्रस्तुत गर्दा देख्ने सुन्ने जो कोहिको पनि मन एकाग्र हुन्छ । विचलित मनलाइ जीवनको दर्शन सिकाउने उनको मूल मन्त्र भनेको जीवनमा जस्तोसुकै परिस्थिती आएपनि हार कहिल्यै खानु हुँदैन ।
पोख्रेल खासगरी मानविय मुल्यहरुसँग सम्बन्धित भनाइहरु पस्कन रुचाउँछन । हुन त उनमा हसाँउने कला पनि लुकेको छ । बेलाबखत उनी कथामा हास्यविधा पनि पोखिदिन्छन् । उनको सामाजिक सन्जाल फेसबुक रिल युटुबमा चर्चित भनाइहरु सुनेर युवायुवती मग्न हुन्छन् । एउटा फेसबुक रिलमा उनले भनेका छन् – ‘सफलता यस्तो मिलोस कि कुनै दिनमा हारे भने पनि जीत आफैँ आएर भनोस् माफ गर्नु ल, बाध्यता थियो‘ । त्यस्तै अर्को एउटा कन्टेन्टमा उनले वाचन गरेका छन् ‘बाहिरका शत्रुहरु भन्दा भित्रका आफन्तहरु खतरनाक हुन्छन् । मनको एउटा कुनामा बस्ने लोभ नामको भाई र मोह नामको बहिनीले प्रगती नामको दिदिलाई सधैं छेक्ने गर्छिन् । अर्को कुनामा बस्ने कलह नामको अंकल र अहंकार नामकी आन्टीले उन्नती नामको दाजुलाई सधैँ छेक्ने गर्छ । दया भाउजु र घृणा दाजुको किचकिच ले करुणा भतिजी कमजोर भईसकी ।’