$800 मा 10% Apple बेचेको मान्छे – Ronald Wayne को कथा जसले इतिहास बदल्न सक्थ्यो

तपाईलाई थाहा छ?

Apple को सुरुवात दुई जना युवाहरुले होइन, तीन जनाले गरेका थिए।

हामी प्रायः Steve Jobs र Steve Wozniak को नाम सुन्छौं, तर त्यही सुरुवाती टीममा तेस्रो व्यक्ति पनि थिए – Ronald Wayne।

तर किन उनलाई हामीले बिर्सियौं त?
किनभने उनले केवल १०% हिस्सा $८०० मा बेचिदिए।

हो, त्यो नै हिस्सा आजको दिनमा ३ सय अर्ब डलर हुन सक्थ्यो!

सुरुवात: Apple का ‘गुमनाम’ संस्थापक

सन् १९७६ मा, Jobs र Wozniak ले कम्प्युटर कम्पनी खोल्ने सपना देखे।
तर त्यो सपना साकार पार्न अनुभव चाहिएको थियो – जुन उनीहरुले Ronald Wayne बाट पाए।

Wayne, त्यतिबेला Atari मा काम गर्ने अनुभवी इन्जिनियर थिए। उनले कम्पनीको शुरुवाती कागजपत्र तयार गरे, लोगो डिजाइन गरे, र १०% हिस्सा पाए—tie-breaker को भूमिका लिएर।

तर १२ दिनमै, उनले त्यो हिस्सा बेचिदिए।

किन बेचे त उनले?

Wayne, विगतमा आफ्नो slot machine व्यापार मा ठूलो घाटा बेहोरेका थिए।

Jobs ले $15,000 को credit लिएर Apple को पहिलो अर्डर लिन लाग्दा, Wayne डराए—यदि कम्पनी डुब्यो भने ऋण तिर्नु पर्ने थियो।

त्यो अर्डर पनि Byte Shop नामको ग्राहकबाट थियो जसको reputation खासै राम्रो थिएन।
Wayne ले सोचे:

“Partnership भनेको त्यति सजिलो हुन्न – ऋण परे सबैले तिर्नु पर्छ।”

उनले तनाव भोगेका थिए, र पुन: घाटा बेहोर्र्ने डरले 10% हिस्सा $800 मा बेचिदिए।

त्यसपछि के भयो?

Wayne ले Apple छाडे।
Jobs ले फेरि उनलाई फर्कन प्रस्ताव दिए।
तर Wayne मानेनन्।

उनले पछि Milpitas मा stamp shop खोल्न थाले।
Jobs ले अर्को प्रस्ताव गरे – त्यो पनि अस्वीकार गरियो।

Wayne भन्छन्: “सायद म सबैभन्दा धनी मान्छे हुन्थे, तर चिहानघारीमा हुन्थे।”

उनको शान्त जीवनले पैसा होइन, मनको शान्ति रोज्यो।

Ronald Wayne – एक भूल, कि व्यावहारिकता?

आज Wayne, अमेरिका अन्तर्गतको Nevada राज्यको मरुभूमि सहर Pahrump मा बस्छन्।

उनले एउटा निर्णय गरे, जुन धेरैलाई गलत लाग्छ।
तर उनी भन्छन्:

“मैले त्यो समयमा उपलब्ध जानकारी अनुसार सबैभन्दा राम्रो निर्णय गरेँ।”

पाठ के मिल्यो?

• जोखिम बिना अवसर हुँदैन।

• धनी हुनु मात्र सफलताको मापन होइन।

• कहिलेकाहीं शान्ति नै ठुलो सम्पत्ति हुन्छ।

अन्त्यमा सोच्नुस् – यदि तपाईं Ronald Wayne को ठाउँमा हुनुहुन्थ्यो भने, के गर्नुहुन्थ्यो?

• $800 राख्ने?

• कि Apple को इतिहाससँग जोडिने?

तर त्यतिबेला कसले सोच्यो र Apple यति ठूलो कम्पनी बन्ने भनेर?

Bonus Fun Fact 

के तपाईंलाई थाहा छ?
सन् २०१० मा एक व्यक्तिले १०,००० बिटक्वाइन दिएर केवल दुईवटा पिज्जा किनेका थिए!
आज त्यो बिटक्वाइनको मूल्य कति होला?