अमेरिका आएर ७-इलेभेन व्यवसाय सुरु गर्ने तनहुँका जीवन पौडेलको यात्रा

अमेरिका आएर व्यवसाय गर्न चाहनुहुन्छ? कसरी सुरु गर्ने? कति पूँजी लाग्छ? कति आम्दानी हुन्छ? यी सबै प्रश्नहरूको उत्तर पाउन, नेपालटक्सको नयाँ एपिसोड हेरौँ, जहाँ अनन्त नेपाल ले जीवन पौडेल संग गहन कुराकानी गरेका छन्।

संघर्षबाट व्यवसायसम्मको यात्रा

१२ वर्षअघि अमेरिका आएका तनहुँका जीवन पौडेलले शुरुवातमा ग्यास स्टेसन, लिकर स्टोरजस्ता ठाउँहरूमा कडा परिश्रम गर्नुपर्‍यो। आर्थिक रूपमा स्थापित हुन संघर्ष गर्नु पर्‍यो। तर, उनले कहिल्यै हार मानेनन्। साझेदार बाट व्यवसाय थाले, अनुभव बटुले, र अन्ततः आफ्नै ७-इलेभेन फ्रेन्चाइज लिए।

७-इलेभेन व्यवसाय किन सुरक्षित छ?

जीवन भन्छन्, “सुरुवात गर्न गाह्रो हुन्छ, तर सुरु गरेपछि व्यवसाय संचालन गर्न सजिलो हुँदै जान्छ।” ७-इलेभेन फ्रेन्चाइज एक सुरक्षित व्यवसाय हो किनभने यसमा ब्रान्ड समर्थन, कम जोखिम, र राम्रो आम्दानीको अवसर छ। उनले यो व्यवसाय कसरी थाले, के सिके, र के चुनौतीहरू सामना गरे भन्ने जानकारी यस एपिसोडमा विस्तृत रूपमा प्रस्तुत गरिएको छ।

७-इलेभेन खोल्न कति खर्च लाग्छ? कति आम्दानी हुन्छ?

जीवनले काम गरेको पसलकै फ्रेन्चाइज लिएर उनले अमेरिका भित्र दुईवटा ७-इलेभेन खोलिसकेका छन्। यदि तपाईंलाई पनि यस्तो व्यवसाय सुरु गर्न मन छ भने, लागत, फाइदा, र सम्भावनाहरूको विस्तृत जानकारी यस एपिसोडमा पाइन्छ।

पसलको भ्रमण र कर्मचारीको अनुभव

नेपालटक्सका अनन्त नेपाल ले जीवन पौडेलसँगै ७-इलेभेन पसलको भ्रमण गरेका छन्। पसलमा कस्ता सामान पाइन्छ? ग्राहकहरूका अनुभव कस्ता छन्? त्यहाँ कार्यरत कर्मचारीहरूसँग प्रत्यक्ष कुराकानी गर्दै पसल संचालनबारे रोचक जानकारी लिएका छन्।