गीत, संघर्ष र सपनाहरू: अमेरिकामा बसन्त खड्काको यात्रा

नेपालटक्स (NepalTalks) को यस विशेष एपिसोडमा, होस्ट अनन्त नेपालले चर्चित नेपाली गायक बसन्त खड्कासँग रमाइलो कुराकानी गरेका छन्। उनले आफ्नो अमेरिका यात्राको कथा, यहाँको संघर्ष, सफलता र नेपाली समुदायमा गरेको योगदानबारे खुलस्त रुपमा सेयर गरेका छन्।

२००५ मा साथीको बोलावटमा अमेरिका आएका बसन्त खड्का हाल High Point, NC मा बसोबास गर्दै आएका छन्। सुरुवाती दिनहरूमा ग्याँस स्टेशनमा काम गर्दा आएका कठिनाइहरू, नेपाल फर्किने सोच र अन्ततः अमेरिकाले दिएको अवसरलाई कसरी सम्हाले भन्नेबारे उनले आफ्ना अनुभव बाँडेका छन्। अहिले उनी Thermo Fisher Scientific मा १७ वर्षदेखि कार्यरत छन्।

उनको सङ्गीत यात्रा, नेपालका केही चर्चित गायक-गायिकासँग काम गरेको अनुभव, उत्कृष्ट संगीत संयोजक र उत्कृष्ट गीतको महत्वबारे उनले गहिरो चर्चा गरेका छन्। साथै, उनले आफ्नो प्रेरणादायी गुरु राम प्रसाद पोखरेलबाट सिकेका जीवन मूल्यहरू पनि साझा गरेका छन्।