करसम्बन्धी महत्वपूर्ण जानकारी श्याम शिवाकोटीको साथमा

नेपाल टक्सको यो अनलाइन पडकास्ट एपिसोडमा होस्ट अनन्त नेपालले अमेरिकाको ट्याक्स प्रणालीबारे जानकारी गराउने प्रयास गरेका छन् । अमेरिकामा नेपालीद्वारा संचालित बेस्टिफाइ ट्याक्सका संचालक मध्येका एक श्याम शिवाकोटीसँगको यो कुराकानीले अमेरिकी कर प्रणालीका महत्वपूर्ण पक्षहरुलाई सरल भाषामा व्याख्या गर्ने कोशिस गरेको छ । श्याम शिवाकोटी अनुभवी  CPA (Certified Public Accountant), CIA (Certified Internal Auditor), र Bestify Tax Advisors का निर्देशक हुनुहुन्छ। Bestify Tax Advisors, संयुक्त राज्य अमेरिकाको युटाहमा रहेको कर तथा लेखा परामर्श सेवाप्रदायक संस्था हो।

यस एपिसोडमा, श्याम शिवाकोटीले अमेरिकी कर प्रणालीका महत्त्वपूर्ण पक्षहरूलाई सरल भाषामा व्याख्या गर्नुभएको छ। विशेष गरी, उहाँले W2 फारमको प्रत्येक सेक्सनलाई विस्तारमा बुझाउँदै, त्यसको करमा पर्ने प्रभावको बारेमा जानकारी दिनुभएको छ। यदि तपाईं अमेरिका बस्नुहुन्छ र कर प्रणालीलाई राम्रोसँग बुझ्न चाहनुहुन्छ भने, यो एपिसोड तपाईंको लागि निकै उपयोगी हुन सक्छ ।

W2 फारम कसरी पढ्ने?

अनन्त नेपालले प्रत्यक्ष रूपमा एक W2 फारम प्रस्तुत गरी त्यसका प्रत्येक सेक्सनको अर्थ र त्यसले करमा पार्ने प्रभावका बारेमा श्याम शिवाकोटीलाई सोधेका छन् ।  यस क्रममा, तपाईंले तलका महत्त्वपूर्ण बुँदाहरू सिक्न सक्नुहुन्छ:
✅ W2 फारममा रहेका विभिन्न सेक्सनहरू के हुन् र तिनीहरूको उद्देश्य के हो?
✅ कर गणनामा Standard Deduction र Itemized Deduction को भूमिका।
✅ यदि तपाईंले घरजग्गा खरिद गर्नुभएको छ भने, Mortgage Interest, Points, Property Tax लगायतका कटौतीहरूले कसरी तपाईंको कर फिर्ता (Tax Return) मा फाइदा पुर्‍याउन सक्छ?
✅ 1099-INT फारम के हो र किन बैंकहरूले तपाईंलाई यो दिन्छन्?
✅ बैंकबाट आएको ब्याज आय (Interest Income) करमा किन देखाउनु पर्छ?

कर फिर्ता (Tax Refund) किन पाइन्छ वा कर तिर्नु किन पर्छ?

यस एपिसोडमा तपाईंले कर फिर्ताको गणना प्रक्रिया बुझ्न सक्नुहुन्छ। धेरै मानिसहरूले कर फिर्ता (Tax Refund) प्राप्त गर्छन् भने कतिपयले उल्टै कर तिर्नु पर्छ। यसको पछाडि के कारणहरू छन् भन्ने बारेमा श्याम शिवाकोटीले विस्तृत जानकारी दिनुभएको छ। साथै, Earned Income Credit (EIC) को महत्त्व र यसले तपाईंको कर फिर्तामा पार्ने प्रभावका बारेमा पनि चर्चा गरिएको छ।

Bestify Tax Advisors: नेपाली मुलका कर विशेषज्ञ अमेरिकामा

पडकास्टको अन्त्यमा शिवाकोटीले Bestify Tax Advisors का सेवा र विशिष्टता बारे बताउनुभएको छ । । Bestify Tax Advisors ले कर परामर्श, व्यापार लेखा प्रणाली व्यवस्थापन, कर योजना (Tax Planning), र सम्पूर्ण लेखा सेवाहरू प्रदान गर्दै आएको छ। अन्य कर परामर्श फर्महरू भन्दा Bestify Tax Advisors कसरी फरक छ भन्ने बारे उहाँले विस्तृत रूपमा जानकारी दिनुभएको छ।