सुनौलो बिहानीको शुरुवात अब ‘बिहानी’ बाट ।

कस्ता कस्ता कार्यक्रम वर्जित छन्  ?

नितान्त व्यक्तिगत उत्पादन बाहेकका अन्य व्यक्ति, संचार माध्यम वा प्रतिलिपि अधिकार अरु नै व्यक्ति वा संस्थामा रहेका सामग्रि, सामग्रिका अंश वर्जित छन् । हामी प्रविधिको प्रयोग गरेर त्यस्ता सामग्रिहरु पत्ता लगाउँछौ, एप्लिकेशनबाट हटाउँछौँ र भविष्यमा फेरी कार्यक्रम प्रश्तुत गर्नबाट वञ्चित गर्नेछौँ ।

बिहानीको उद्देश्य के हो ?

आदिम काल देखि नै ध्वनि र संचार समग्र मानव जातीको विकासका लागि अभिन्न अंग रहिआएको छ । सामाजिक संजालहरुले जेलेको अधिक सूचना र अनावश्यक सूचनाले हामी र हाम्रा बालबालिकाका मस्तिष्कमा अत्यन्त नकारात्मक प्रभाव पारेको तपाइँ हामी सबैलाई जानकारी नै छ । त्यसैले चाहे सूचना होस् वा मनोरन्जन, साहित्य होस् वा संगीत हात हातमा भएको मोबाइलबाटै उच्चस्तरका आवाज सहित सुन्ने प्लयाटफर्मको चरम आवश्यकता महसुस गरि अमेरिकामा स्थापित नेपाल मिडिया ग्रुपले ‘बिहानी’लाई सार्थक बनाएको हो । विदेशमा बस्ने नेपाली र नेपाली बालबालिका लागि नेपाली, संस्कृत लगायतका भाषा सिकाउने कार्यक्रम, रचनात्मक बन्न अभिप्रेरित गर्ने सामग्रिहरु र अरु थुप्रै यस्ता रचनाहरुले हाम्रो भाषा संस्कृतिलाई जीवन्त राखिराख्न मद्दत गर्छ भन्ने हाम्रो विश्वास छ । सूचना, समाचार, संगीत, मनोरंजनले ‘बिहानी’ मा सुनको जलप लगाउनेमा हामी ढुक्क छौँ ।